داسو ۔1اپریل(اے پی پی):وزیراعظم محمد شہباز شریف آکھیے جو حکومت چینی شیریاں دا تحفظ یقینی ٻݨیسی، بشام واقعہ اچ ملو?? عناصر کوں سخت سزا ݙتی ویسی، چینی شہری ساݙی قومی سلامتی اتے ترقی کیتے اہم ہین جنہاں دا تحفظ ہر صورت کیتا ویسی اتے فول پروف سیکورٹی ݙتی ویسی۔ اے ڳالھ انہاں بشام واقعہ سانڳے داسو ہائیڈرو پاور پراجیکٹ تے کم کرݨ آلے چینی انجینئرز اتے ماہرین کوں پرچاوݨی ݙیوݨ اتے یکجہتی کیتے داسو دے دورے ویلھے ہک تقریب نال خطاب اچ آکھی۔ انہاں آکھیا جو بشام واقعہ دے پچھو پاکستان دے دشمن ہین جیندے اچ ملو?? عناصر کوں سخت سزا ݙتی ویسی۔ تقریب اچ وفاقی وزیر اطلاعات و نشریات عطا تارڑ ، وزیر امور کشمیر و گلگت بلتستان ،انجینئر امیر مقام، چیئرمین واپڈا لفٹیننٹ جنرل ریٹائرڈ سجاد غنی، چینی سفیر جیانگ ژائی ڈونگ، چینی کمپنی دے اراکین اتے سینئر حکام وی موجود ہن۔ تقریب اچ بشام واقعہ اچ دہشت گردی دا نشانہ ٻݨݨ آلے چینی انجینئرز د?? یاد اچ 30 سیکنڈ دی خاموشی وی کیتی گئی۔ وزیراعظم چینی انجینئراں نال وی ملین۔
وزیراعظم محمد شہباز شریف آکھیے جو چینی ٻھراواں نال یکجہتی کیتے داسو دا دورہ کیتے، بشام واقعہ بالکل بزدلانہ ہا جیندا مقصد پاکستان اتے چین دی غیر معمولی سنڳت کوں خراب کرݨ ہ??، ٻھل س??ݙا ڳناݙھا پہلے توں وی تکڑا اے ڄیکوں کہیں سازش وات نا تھیوݨ ݙتا ویسی۔