وزیراعظم شہباز شریف نال کنوینر متحدہ قومی موومنٹ خالد مقبول صدیقی دی ملاقات اچ ملکی صورتحال تے مشاورت کیتی ڳئی

اسلام آباد۔14جون(اے پی پی):وزیراعظم محمد شہباز شریف نال کنوینر متحدہ قومی موومنٹ و ممبر قومی اسمبلی خالد مقبول صدیقی ملاقات کیتی۔ وزیراعظم آفس دے میڈیا ونگ توں جاری بیان موجب ملاقات اچ ملکی سیاسی صورتحال تےتفصیلی مشاورت تے ڳالھ مہاڑ کیتی ڳئی ۔ ملاقات اچ خالد مقبول صدیقی بجٹ 24 ۔ 2023 اچ سندھ، بالخصوص شہری علاقیں کیتے ترقیاتی منصوبیں کوں رلاولݨ تے اظہار تشکر کیتا۔ انہاں کراچی اچ پاݨی دے پراݨے مسئلے دے حل کیتے سالاں تون تعطل دا شکار کے-فور منصوبے دا سنگ بنیاد رکھݨ تے وزیراعظم محمد شہباز شریف کوں خراج تحسین پیش کیتا۔ خالد مقبول صدیقی ملکی ساحلی علاقیں تے بپرجوئے سائیکلون دے ممکنہ اثرات دے پیشِ نظر ریاست دے سارے وسائل کوں عوام دے جان و مال دے تحفظ کیتے بروئے کار گھن آوݨ تے وی وزیراعظم نال اظہار تشکر کیتا۔

مضمون کا ماخذ : میگا مولا۔

متعلقہ مضامین