صدر مملکت ڈاکٹر عارف علوی دے نوابشاہ اتے دادو اچ سیلاب متاثرین دے ریلیف کیمپاں دے دورے
APP68-150922
DADU: September 15 – President Dr. Arif Alvi talking to media persons during his visit at flood relief camp in Pilot High School Dadu. APP
اسلام آباد۔15ستمبر (اے پی پی):صدر مملکت ڈاکٹر عارف علوی امداد دی وصولی و ونݙ کیتے شفاف نظام سانڳے اقدامات دا آکھیے جو سیلاب زدہ آبادی کوں منصفانہ، موثر اتے قابل تصدیق امداد پڄائی ونڄ سڳے۔ او خمیس کوں نواب شاہ اتے دادو، سندھ اچ سیلاب متاثرین دے ریلیف کیمپ دے دورے کویلھے میڈیا نال الیندے آکھی۔ انہاں آکھیا جو اے سب توں ودھ تباہ کن سیلاب اے، ایں سانڳے قیمتی جاناں، مالی مویشاں، لوکاں دے روزگار اتے اہم انفراسٹرکچر کوں وݙا نقصان تھئہ، سیلابی پانی کوں استعمال کرݨ، بنیادی ڈھانچےدکی تباہی، مال مویشیاں دے نقصان کوں ݙکݨ کیتے مناسب ڄاہیں تے ڈیم اتے پاݨی دیاں ݙھنݙوں ٻݨاوݨ دا آکھیے۔ صدر مملکت آکھیا جو وفاقی حکومت، صوبائی حکومتاں، انہاں دے ادارے، عالمی برادری، این جی اوز اتے پاکستان اچ مخیر لوک سیلاب متاثرین دا ہتھ ونݙاون، لوکاں کوں ریسکیو و ریلیف سانڳے کم چنڳاں تھیندا پئے جیندے کیتے ملکی ادارے اتے سماجی تنظیماں دا کردار اہم اے، وݙے پیمانے تے سیلاب متاثرین کوں گلوبل وارمنگ پاروں ایں تباہی توں بچاوݨ کیتے امدادی سرگرمیاں وݙے عرصے تئیں جاری رکھݨیاں ہوسن۔
