ملک اچ ٹیکس کلچر ودھاونڑ کیتے سوچ بدلنڑی ہوسی،ٹیکس دہندگان ساڈے وی آئی پیز ہین، وزیر اعظم
APP54-19
ISLAMABAD: February 19 - Prime Minister Imran Khan delivering policy statement on Pulwama attack. APP
اسلام آباد ۔ 20 فروری (اے پی پی)وزیراعظم عمران خان آکھیے جو ملک اچ ٹیکس کلچر ودھاونڑ کیتے سوچ بدلنڑی ہوسی،ٹیکس دہندگان ساڈے وی آئی پیز ہین، ملک اچ 17 لکھ فائلر 21 کروڑ لوکاں دا بھار نئیں چاءسگدے، ایف بی آر دے نظام اتے گورننس اچ چنگائی گھدی آندے ہیں،جیندے نال وپار اچ سوکھ ملسی اتے ملک اچ بئی سرمایہ کاری آسی۔اے گالھ وزیراعظم عمران خان اسلام آباد اچ ملک دے مہاندرے ٹیکس گزاراں کوں تعریفی اسناد ونڈنڑدی تقریب نال خطاب کریندے آکھی۔تقریب اچ وفاقی وزیر خزانہ اسد عمر اتے وزیر مملکت برائے ریونیو حماد اظہروی خطاب کیتے۔ وزیراعظم آکھیے جو ساڈے کیتے وی آئی پی اے لوک ہین جیہڑے سب توں ودھ ٹیکس ڈیندن اتے ملک چلدے،اساں انہاں کوں عزت اتے احترام ڈیونڑ چاہندے ہیں،ساکوں ستر دے ڈھاکے دی صنعتاں کوں قومیاونڑ دی پالیسی توں نکل تے تحت سرمایہ کار کوں تحفظ ڈیونڑ اتے ملکی معیشت مضبوط کرنڑ دی سوچ اپناونڑی ہوسی، ساکوں بدلدے جگ دے نال نال اپنڑے آپ کون وی بدلنڑا ہوسی، ٹیکس کلچر نہ ہوونڑ نال سارا بوجھ بالواسطہ ٹیکساں دے ذریعے عام لوکاں تے آ پوندے جیہڑی نا انصافی اے، لوک ٹیکس نئیں ڈیونڑ چاہندےے،جیکر لوکاں کوں اعتبار ہووے جو انہاں دا پیس?? کرپشن وات نہ تھیسی اتے انہاں دے آپنڑے اُتے لگسی تاں او ضرور ٹیکس ڈیسن،ساڈا ملک اسلامی فلاحی ریاست دے تصور تے بنڑیے بھل اساں ??ین??ے توں پریں ویندے پئے ہیں۔انہان آکھیے جو ساڈی حکومت اہل لوکاں توں ٹیکس اگاڑن کیتے پالیسی بنڑائی اے، سادگی ک??تی اے خرچے گھٹائن۔انہاں آکھیے جو اگلے حکمران عوام دے پیسے تے پلدے پئے ہن، آپ محلات اچ راہندے رہین، ملک اتے قوم قرض وات آگئی اے، اج حالت اے ہے جو چنگے ہسپتال ہین ناں تعلیم، ساڈا فیصلہ اے جو ٹیکس دے پیسے تے کہیں کوں باہرو نہ بھیجیا ویسی، اتھائیں علاج کراون تاں جو اتھو دے ہسپتال ٹھیک تھیون۔انہاں یقین ڈیوایا جو او قوم دے پیسے دی حفاظت کریسن اتے عوام دے ٹیکس دا پیسہ انہاں دی ہی فلاح تے لگسی تاں جو ٹیکس کلچر ودھے اتے ملک ترقی دو ونجے۔
