راولپنڈی ۔19مارچ (اے پی پی):چیئرمین جوائنٹ چیفس آف سٹاف کمیٹی ج??رل ندیم رضا عراق دے سرکاری دورے تے ع??اقی وزیر دفاع سودھے اعلی عسکری قیادت نال ملاقاتاں کیتیاں ، جیں اچ ݙوہیں فریقین سکیورٹی ، دفاعی تعاون اتے موجودہ علاقائی صورتحال سودھے سانجھی دلچسپی دے امور تے ڳال مہاڑ کیتی ۔ پاک فوج دے شعبہ تعلقات عامہ ( آئی ایس پی آر ) موجب عراق دے دورہ دے دوران چیئرمین جوائنٹ چیفس آف سٹاف کمیٹی ج??رل ندیم رضا عراق دے وزیر دفاع جمعہ اناد سادون خطاب الجبوری ، عراقی چیف آف اسٹاف ج??رل عبد الامیر رشید یار اللہ ال لامی اتے ع??اقی فضائیہ دے کمانڈر لیفٹیننٹ ج??رل شہاب جہاد علی نال وی انجھ انجھ ملاقاتاں کیتیاں ۔ معززین ݙوہیں ملکاں وچال ݙوطرفہ فوجی انگیجمنٹس/ تعاون دی سطح اتے صلاحیت ودھاوݨ دے اقدامات تے روشنی پاتی اتے تعلقات کوں مستحکم کرݨ دا اعادہ کیتے۔چیئرمین جوائنٹ چیفس آف سٹاف کمیٹی ج??رل ندیم رضا ڈیفنس یونیورسٹی ہائر ملٹری اسٹڈیز (ڈی یو ایف ایچ ایم ایس) دا وی دورہ کیتا اتے ایندے ریکٹر لیفٹیننٹ ج??رل سعد مشیر محسن ہاشم العلق نال ملاقات کیتی ، ایں موقع تے ڳال مہاڑ کریندے ہوئیں ج??رل ندیم رضا پرتشدد انتہا پسندی مکاوݨ اچ پاکستان دے مثبت کردار تے روشنی پاتی تے علاقائی بلخصوص افغانستان اچ امن واستحکام کیتے پاکستان دیاں کوششاں بارے وی ݙسایا ، ایندے توں پہلے وزارت دفاع پڄݨ تے ،چیئرمین جوائنٹ چیفس آف سٹاف کمیٹی ج??رل ندیم کوں عراقی مسلح افواج دے چاک و چوبند دستے سلامی پیش کیتی۔
