پیپلز پارٹی کوں لانگ مارچ دی اجازت ݙیوݨ دا فیصلہ کیتے ،وزیر اعظم دا دورہ روس کامیاب رہیا، سیاست اچ ݙے گھن دا بازار لڳیا توں ٻوہاری پھر ویسی ،وفاقی وزیر داخلہ شیخ رشید احمد دی پریس کانفرنس
APP31-250222
LAHORE: February 25 federal minister for Interior, Sheikh Rashid Ahmed talking to media in Provincial Capital. APP
لاہور۔25فروری (اے پی پی):وفاقی وزیر داخلہ شیخ رشید احمد آکھیے جو وزارت داخلہ اتے پنجاب انتظامیہ پیپلز پارٹی کوں لانگ مارچ کرݨ دی اجازت ݙیوݨ دا فیصلہ کیتے ،وزیر اعظم دا دورہ روس کامیاب رہیا،تحریک عدم اعتماد ڈھلی ڳالھ اے ،ممبران دی قیمتاں لاوݨ آلے ڄاݨ گھنن جو عمران خان ترت دیاں چالاں چلسن ،نواز شریف 172بندے پورے کرݨ دی ذمہ واری زرداری تے پاتی اے ، چھانگا مانگا دی تربیت آلے ڄاݨ گھنن جو سیاست اچ ݙے گھن دا بازار لڳیا توں ٻوہاری پھر ویسی ” ووٹ کوں عزت ݙیوݨ آلے مل گھنݨ دے منصوبے بݨیندے پئن ،ساریں توں ݙر کٹھا کرݙتے ڄاݨ گھنن جو عدم اعتماد دی ناکامی دے بعد عمران خان ٻیا تکڑا تھیسی ، چوہدری شجاعت حسین میݙا بھرا اے ،ایں ویلھے جیڑھا عمران کوں چھوڑیسی تاں کھݙے اچ ڈھسی ، او جمعے کوں اتھاں وزیر اعلی ہاوس اچ پریس کانفرنس توں خطاب کریندے پئے ہن ۔شیخ رشید احمد آکھیے جو پنجاب دے وزیر اعلی نال میٹنگ تھئی جیں اچ پیپلز پارٹی دے لانگ مارچ تے پابندی نہ لاوݨ دا فیصلہ کیتے تے ایں طرح سندھ اچ تحریک انصاف ریلی کڈھیندی پئی اے اتھاں وی رینجرز دی سکیورٹی ݙیندے پیوں ۔انہاں آکھیے او اسلام آباد پولیس کوں خراج تحسین پیش کریندن جنہاں نور مقدم کیس اچ وݙی کوشش کیتی تے ملزم بلاخراپݨے انجام کوں پڄے ، انہاں آکھیے وزیر اعظم عمران خان دا روس دا دورہ کامیاب رہ ڳئے جیڑھا دشمن ملک بھارت کوں ھک اکھ نی بھاندا پیا ،وزیر اعظم دیاں امن دیاں کوششاں دی ہرجاہ تعریف تھیندی پئی اے
