اسلام آباد۔25جولائی (اے پی پی):وزیر مملکت اطلاعات و نشریات فرخ حبیب آکھیے جو آزاد جموں وکشمیر اچ تھیوݨ آلے عام انتخابات اچ اپوزیشن ولوں دھاندلی دے دعویں کوں مسترد کریندے ہوئیں آکھیے جو آزاد جموں و کشمیر دے انتخابات آزادانہ، منصفانہ اتے شفاف طریقے نال منعقد تھئن ، وزیراعظم عمران خان کشمیر دے سچے سفیر ہن جنہاں ہر بین الاقوامی فورم تے مسئلہ کشمیر کوں بھرپور انداز اچ چاتے ، اے ڳال انہاں اتوار کوں نجی ٹی وی چینل دے نال ڳال مہاڑ کریندے ہوئیں آکھی اے ، انہاں آکھیے جو آزاد جموں و کشمیر اچ مسلم لیگ (ن) دی حکومت ہئی، (ن) لیگ اپݨے دور حکومت اچ مسئلہ کشمیر کوں نی چاتا ، مریم نواز انتخابی مہم دے دوران خود کوں کشمیری ہووݨ دا دعویٰ کرتے کشمیری عوام کوں دھوکہ ݙیوݨ دی کوشش کریندی پئی اے ، ایندے علاوہ مریم نواز آزاد جموں و کشمیر اچ انتخابی مہم دے دوران وی ہندوستانی حکومت اتے بھارتی وزیراعظم نریندر مودی دے خلاف ھک لفظ تئیں نی ٻولیا ، وزیر اعظم عمران خان کشمیر دے سچے سفیر ہن، وزیراعظم عمران خان اقوام متحدہ، او آئی سی، یورپین یونین سودھے ہر بین الاقوامی فورم تے مسئلہ کشمیر کوں چنڳے انداز اچ چیندے ہوئیں مقبوضہ جموں و کشمیر بھارتی قابض افواج دی بربریت اتے انسانی حقوق دی خلاف ورزیاں کوں نشابر کیتے ۔
