امن دے ویلھے اچ صرف حقیقت پسندانہ، مشن تے مبنی تربیت ہی میدان جنگ اچ بہترین کارکردگی دی ضمانت تھی سڳدی اے ،آرمی چیف سید عاصم منیر

راولپنڈی۔21نومبر(اے پی پی) پاک فوج دے سربراہ جنرل سید عاصم منیر آکھیے امن دے ویلھے اچ صرف حقیقت پسندانہ، مشن تے مبنی تربیت ??ی میدان جنگ اچ بہترین کارکردگی دی ضمانت تھی سڳدی اے۔ او اسٹرائیک کور دی کور سطح دی اجتماعی تربیتی مشق دے دورے دے موقع تے خطاب کریندے پئے ہن ، مشق دا مقصد جارحانہ آپریشنل تصورات کوں پرکھݨ اے ۔آئی ایس پی آر موجب آرمی چیف جدید ترین وی ٹی ۔4ٹینکاں نال لیس آرمرڈ فارمیشن دی قیادت اچ کیتی ڳئی اوکھی مشقاں دا ھک متاثر کن مظاہرہ وی ݙٹھا۔ جنرل سید عاصم منیر مشق اچ حصہ گھنݨ آلے فوجی نینگراں نال ملاقات کیتی تے انہاں دے جذبے، عم??ی کارکردگی اتے پیشہ ورانہ مہارت دی تعریف کیتی ۔آرمی چیف کثیر الجہتی خطرے دا جواب ݙیوݨ سانڳے جنگی تیاری اتے ذہنی صلاحیت دی اہمیت کوں چاتا ۔ انہاں تکھے بدلدلے خطرے دے ماحول پاروں مختلف ہتھیاراں دے حصول دی اہمیت تے روشنی پاتی۔ انہاں رات دے آپریشن اچ ملݨ آلی مہارت دی تعریف کیتی ۔ آرمی چیف ایں ڳالھ دا اعادہ کیتے جو امن ویلھے صرف حقیقت پسندانہ، مشن تے مبنی تربیت ??ی میدان جنگ اچ بہترین کارکردگی دی ضمانت ݙے سڳدی اے ۔ ایندے توں پہلے آمد تے کمانڈر منگلا کور آرمی چیف دا استقبال کیتا۔