سستے گھراں دی تعمیر ،تعمیراتی شعبہ اچ انقلابی اقدام اتے غریب طبقہ دے خواباں دی تعبیر

سستے گھراں دی تعمیر ،تعمیراتی شعبہ اچ انقلابی اقدام اتے غریب طبقہ دے خواباں دی تعبیر

ترجمہ: ڈاکٹر سعدیہ کمال

اسلام آباد۔9فروری (اے پی پی) موجودہ حک??مت ملک اچ بے گھر غریب لوکاں تے متوسط طبقے کیتے 50 لکھ گھراں دی تعمیر دے  شاندار منصوبے دا آغاز کیتا ہویا اے جیں کوں عوام اچ زبردست پذیرائی ملدی پئی اے۔ کورونا وائرس دی وبا دے باوجود  تعمیراتی شعبہ نال جڑیاں صنعتاں کوں مراعات ݙیوݨ تے صنعتاں توں جڑیے بندیاں کیتے روزگار دے مواقع توں تعمیرات اتے رئیل سٹیٹ دے شعبیاں اچ نشابر سرگرمی تھئی اے۔حکومت تعمیراتی شعبے دی اہمی?? کوں سامݨے رکھیندے ہوئیں ایں صنعت دی سہولت سانڳے مطلبہ قانون سازی سودھے کئی چنڳے اقدامات چاتن ،ٹیکس دا مراعاتی نظام متعارف کرایا ڳے ، جݙاں جو فکس ٹیکس نظام اچ 31 دسمبر 2021 تئیں ودھاوݨ دا فیصلہ کیتا ڳئے

، اینویں ہی رہن دے قانون نہ ہووݨ دی وجہ توں ہاوسنگ دے شعبے اچ رکاوٹ رہی اے تاں جو ہݨ سپریم کورٹ دے فیصلے بعد اے مسئلہ حل تھی ڳئے ، سٹیٹ بینک آ?? پاکستان بینکاں سانگے لازمی کرݙتے جو آپدے متعلقہ ݙومیسٹک پرائیویٹ سیکٹر کریڈٹ دا پنج فیصد حصہ ہاؤسنگ تے تعیراتی صنع?? کوں ݙیسن تے ایندے نال بینکاں دی تعمیراتی فنانس سانگے رقم 31 دسمبر 2021  تئیں 378 ارب روپے دے نیڑے پڄ ویسی پنج مرلے دے ہاوسنگ یونٹ تے پہلے پنج سالاں کیتے مارک اپ پنج فیصد آندے پنج سالاں کیتے 7 فیصد تے 10 مرحلے دے ہاوسنگ یونٹاں تے پہلے پنج سالاں کیتے مارک اپ 7 فیصد تے اڳلے پنج سالاں کیتے 9 فیصد اے جݙاں جو قرضے 20 سال تئیں دی مدت دے ڳھدے ونڄ سڳدن ۔تھوڑے پیسے دیاں ہاؤسنگ منصوبیاں سانگے نیا پاکستان ڈویلپمنٹ ہائوسنگ اتھارٹی ولوں فی گھر ترائے لکھ روپے (پہلے ہک لکھ ہاوسنگ یونٹس) دی قیمت سبسڈی ݙتی ویسی۔  بلڈرز تے ݙویلپر کوں سہولتاں ݙیوݨ کیتے نجی شعبے ولوں تھوڑے پیسیاں آلی ہاوسنگ دے حوالے نال حک??مت ودھیک اقدامات چیندی پئی اے جیندے اچ نیا پاکستان ڈویلپمنٹ اتھارٹی پراجیکٹ شروع کرݨ اچ آپݨا اہم کردار نبھیسی ، اتے گھٹ آمدنی آلے لوکاں کوں تھوڑے پیسیاں تے مورگیج سہولتاں ݙیسن ، نیا پاکستان ڈویلپمنٹ دے اعداد و شمار موجب صرف پنجاب اچ 162.81 ارب روپے مالیت دے تعمیراتی منصوبے شروع تھی ڳئن اتے 136.42 ارب روپے دے منصوبے منظوری دے مرحلے اچ ہن ، ایندے نال 1495.15 ارب روپے دی اقتصادی سرگرمیاں پیدا تھیسن تے تقریباً ڈھائی  لکھ لوکاں کوں روزگار ملسی ۔خیبر پختونخوا اچ 28.49 ارب روپے مالیت دے تعمیراتی منصوبے شروع تھی ڳئن جیں توں 142.431  ارب روپے مالیت دی اقتصادی سرگرمیاں اتے 27 ہزار روزگار دے مواقع پیدا تھئن ۔ اڄوکے مالی سال دے پہلے پنج مہینے اچ سیمینٹ دی کل ترسیلات اچ 16.61 فیصد دا ودھارا تھئے

وبا دی ݙوجھی لہر پاروں حک??مت بلڈرز تے ڈویلپرز دی سہولت کیتے وی سارے ممکن اقدامات چاتن ،ہݨ بلڈرز تے ڈویلپرز وݙے پیمانے تے تعمیراتی سرگرمیاں شروع کرݨ دا فیدہ گھن سڳدن ۔عوام کو ں سستے قرضے ݙیوݨ کیتے مختلف اقدامات دے تحت سٹیٹ بینک آ?? پاکستان ولوں بینکاں کوں خصوصی ہدایات جاری تھئن جݙاں جو بینکاں عوام کوں سستے گھر ݙیوݨ دے مشن کوں اڳوں ودھاوݨ کیتے عوام کوں قرضیں دی تفصیلات اتے گھنݨ دا طریقہ ݙسائے ، اتے قرضے گھنݨ کوں ممکن بݨائے ایندے توں پہلے بلڈرز تے ݙویلپر کیتے منظوری گھنݨ اوکھا ھا ۔پر ہݨ حک??مت ہاوسنگ تے تعمیراتی شعبے دی سہولت کیتے منظوری دا طریقہ سوکھا کرݙتے

اتے سٹیٹ بینک آ?? پاکستان حک??مت ولوں ہاوسنگ فنانس مارک اپ سبسڈیز سکیم برائے “میرا پاکستان میرا گھر ” کیتے سروس ڈیسک پورٹل تے ہیلپ ڈیسک بݨاوݨ تے زور ݙتے ، ہݨ ہیں ݙیسک پورٹل تے شکایات درج کرائیاں ونڄ سڳدن ایندے علاوہ سٹیٹ بینک آ?? پاکستان 15  شہراں اچ آپݨے دفتراں اچ ہیلپ ڈیسک وی بݨائن جتھاں بینکاں دے ایس بی پی فوکل پرسن موجود ہوسن ، جیندے خلاف شکایت کرݨی ہووے تاں سٹیٹ بینک دے آن لائن پورٹل servicedesk.sbp.org.pk  پہلی واری سائن اپ تھیوݨاں ہوسی پورٹل تے موبائل فون دے ذریعے لاگن کیتا ویسی۔بینک بینک دی شاخ تے شہر دا ناں چݨ تے متعلقہ افسر دا ناں جے پتہ ہووے تاں درج کیتا ویسی ایندے توں علاوہ صارفین پورٹل دے ذریعے دستاویزی ثبوت وی بھجوا سڳدن

ایسوسی ایشن آف بلڈرز اینڈ ڈویلپرز آف پاکستان (آباد) دے پیٹرن انچیف محسن شیخانی موجب حک??مت ولوں ہاوسنگ دے شعبے کوں سہولتاں ݙیوݨ دی پیشکش توں بلڈرز فیدہ چیندے پئن ایں پیکیج نال 50 لکھ گھراں دی تعمیر دا ہدف گھنݨ اچ مدد ملسی ۔اتے ݙݙھ کروڑ لوکاں کوں نوکریاں ملسن ۔

۔پاکستان مورگیج ری فنانس کمپنی (پی ایم آر سی) دے منیجنگ ڈائریکٹر اتے چیف ایگزیکٹو آفیسر مدثر خان آکھیے جو پی ایم آر سی عالمی بینک اتے حک??مت دے تعاون نال ری فنانسنگ دی سہولت ݙیندی پئی اے ۔ انہاں آکھیے جو اساں 11 شراکت دار بینکاں اتے مالیاتی اداریاں کوں انہاں دی روائتی اتے  جدت آمیز اسلامی ری فنانسنگ پروڈکٹس اچ 15 ارب روپے ݙتے تے لمبی مد سانگے سستی ہاﺅسنگ فنانس کوں ھک حقیقت اچ بدال ݙتے سے ۔تے ایں سانگے رسک شیئرنگ دی سہولت وی متعارف کرائی اے۔ کمپنی انشورنس انڈسٹری دے نال رل تے نیا پاکستان پروگرام دے تحت گھٹ خرچے دے گھراں کیتے نویں روائتی اتے تکافل مصنوعات وی تیار کیتن

پاکستان مورگیج ری فائنانس کمپنی لمیٹڈ دی سینئر فائنانشل سیکٹر سپیشلسٹ  ناموس ظہیر پاکستان ہائوسنگ فائنانس منصوبہ دی تعریف کریندے ہوئیں آکھیے جو ایں منصوبے دا فیدہ تھیسی ۔ورلڈ بینک حک??مت پاکستان اتے پاکستان مورگیج ری فائنانس کمپنی نال رل تے پاکستان اچ مورگیج فائنانس انڈسٹری دی ترقی کیتے کم کریندا پئے ۔ انہاں آکھیے جو ایں منصوبے اچ تریمتاں کوں وی مالکانہ حقوق ݙتے ویسن ۔ تعمیراتی  سرگرمیاں کوں ودھاوݨ سانگے تعمیراتی صنعت دی ترقی نال روزگار سمیت ملحقہ صنعتاں کوں وی فیدہ تھیسی ۔

۔کوریا دی کمپنی جی ۔ سونگو ولوں وی پاکستان اچ پہلا فیبریکیٹڈ ہائوس پاک چائنا فرینڈ شپ سینٹر اچ تیار کیتا ڳئے ۔

وزارت ہائوسنگ اینڈ ورکس دے ہک عہدیدار ”اے پی پی“ کوں ݙسائے جو 5137 ہائو سنگ یونٹس بݨݨ دے مختلف مرحلیں اچ ہن وزارت ہائوسنگ اینڈ ورکس کجھ رکیے ہوئے منصوبیں کوں بحال کیتے جیں اچ کری روڈ اسلام آباد، وفاقی کالونی لاہور، جی ٹین ٹو اسلام آباد، آئی 16 تھری اسلام آباد اتے آئی 12 ون اسلام آباد شامل ہن۔لمبی مد توں رکیے انہاں منصوبیاں تے کم شروع کیتا ڳئے پاکستان ہائوسنگ اتھارٹی (پی ایچ اے) ولوں انہاں کوں مکمل کیتا ڳئے تاں جو ۔ 16  تھری اتے آئی۔ 12 ون دے منصوبیں تے کم جاری اے ۔بلوچستان اچ چاتے ڳئے اقدامات دے حوالے نال انہاں آکھیے جو کچلاک روڈ کوئٹہ دا منصوبہ 1350 ہائوسنگ یونٹس تے مشتمل اے۔ ایں منصوبہ کیتے بلوچستان حک??مت ولوں زمین ݙتی ڳئی ۔ ممبر شپ ڈرائیو دے ذریعے 7700 توں ودھ درخواستاں ملیاں تے خودکار طریقے توں کامیاب قرعہ اندازی کیتی ڳئی۔ خیبر پختونخوا اچ پی ایچ اے ریذیڈینشیا سرو??ئی پراجیکٹ پشاور کیتے 8500 کنال زمین خیبر پختونخوا حک??مت ولوں ݙتی ڳئی تے پہلے مرحلے اچ پاکستان ہائوسنگ اتھارٹی فائونڈیشن 10 ہزار ہائوسنگ یونٹس بݨیسی

منصوبیاں بارے اسٹیک ہولڈرز اتے الاٹیاں کوں معلومات ݙیوݨ سانگے وزارت ہائوسنگ اینڈ ورکس دی ویب سائیٹ تے سارے منصوبے تے سکیماں بارے ساریاں معلومات موجود ہوسن ۔ پی ایچ اے اتے فیڈرل گورنمنٹ ایمپلائز ہائوسنگ اتھارٹی دے اپݨے فیس بک اتے ٹویٹرز اکائونٹس ہن جیندے تے منصوبیاں تے اقدامات دی معلومات ݙتیاں ویندن ۔ ایندے علاوہ منصوبیاں بارے میڈیا جیندے اچ اخبار دے نال نال سیمیناراں دے  ذریعے مشہوری کیتی ویندی اے ۔  تعمیراتی شعبہ کوں سدھے پاسے ٹورݨ تے معشیت دی بحالی سانگے حک??مت ولوں مراعاتی پیکیج دے وختی اقدام  نال نہ صرف تعمیراتی شعبہ اچ تکھے ترقی یقینی ہوسی ایندے نال روزگار دے موقع وی ودھ ویسن ،معاشی تے تعمیراتی ماہرین دے مطابق  تعمیراتی شعبہ اچ جے اینویں تکھے  کم رہیا تاں 50 لکھ گھر بݨا تے ڳھدے ونڄ سڳسن ۔