فائزردیاں ھک لکھ خوراکاں مل ڳئن، ہر ہفتے اساکوں ویکسین دی کھیپ آندی رہسی ، پارلیمانی سیکرٹری قومی صحت ڈاکٹر نوشین حامد

اسلام آباد۔22جون (اے پی پی):پارلیمانی سیکرٹری قومی صحت ڈاکٹر نوشین حامد آکھیے جو کوویکس پروگرام دے ذریعے فائزر دیاں ھک لکھ خوراکاں مل ڳئن منگل کوں اپݨے بیان اچ انہاں آکھیے جو ویکسین آوݨ دی مسلسل مہم جاری اے اتے ہرہفتے اساکوں ویکسین دی کھیپ آندی رہسی کیوں جو اے معاہدہ اساݙی حکومت چین دے نال کیتے اتے ݙوجھیاں جہیں توں وی ویکسین آندی پئی اے جیویں کوویکس دے ذریعے فائزر دیاں ھک لکھ خواراکاں پاکستان کوں ملئن ، انہاں آکھیے جو موجودہ حکومت 1.1بلین ڈالر دا بجٹ کووڈ19 ویکسین کیتے رکھیے جیں پاروں ویکیسن دی خریداری اچ کہیں قسم دا کوئی مسئلہ نہ تھیسی ، سارے معاہدے تھی چکئن جون، جولائی اتے اگست دے مہینے اچ ویکیسن دیاں خوراکاں آندیاں رہ ویسن ۔ انہاں آکھیے جو فائزر دیاں ھک لکھ خوراکاں 50لکھ لوکاں کوں لاتی ونڄ سڳسی ، اے انہاں لوکاں کوں التی ویسی جنہاں دی قوت مدافعت کمزور اے۔ یا اوکہیں بیماری دا شکار ہن ۔

مضمون کا ماخذ : الوہا کلسٹر ادائیگی کرتا ہے۔

متعلقہ مضامین