ہاوسنگ سوسائٹیاں پورے ملک دا ایشو ہن، سوسائٹیاں دی وجہ نال زرعی زمین مکدی پئی ہے،سپیکر اسد قیصر

اسلام آباد ۔ 17 اپریل (اے پی پی) قومی اسمبلی دی زرعی مصنوعات سانگے قائم خصوصی کمیٹی فیصلہ کیتے جو ہاوسنگ سوسائٹیاں اچ ودھار روکنڑ سانگے قومی اسمبلی اچ قرارداد ں پیش کیتیاں ویسن۔ سپیکر قومی اسمبلی آکھیا جو ہاوسنگ سوسائٹیاں پورے ملک دا ایشو ہن، ہاوسنگ سوسائٹیاں دی وجہ نال زرعی زمین مکدی پئی ہے۔ بدھ کوں خصوصی کمیٹی دا اجلاس سپیکر قومی اسمبلی اسد قیصر دی صدارت اچ پارلیمنٹ ہاﺅس اچ تھیا۔ سپیکر قومی اسمبلی اسد قیصر آکھیا جوزراعت دے حوالے نال چارے صوبیں نال رابطے بنڑاونڑ چاہندوں، اٹھارویں ترمیم دے بعد زراعت دا شعبہ صوبیں کنوں چلا گئے، چاہندوں جوکاشتکاراں کوں ودھ توں ودھ ریلیف ڈتا ونجے۔ انہاں آکھیاجو بیج دی اقسام دی چنگائی سانگے رل مل تے کم کرنڑ پوسی، حالیہ بارشیں دی وجہ نال کاشتکاراں کوں وڈا نقصان تھئے، صوبے وی اپنڑے اپنڑے کاشتکاراں دے نقصان دا اندازہ لاونڑ۔ انہاں آکھیا جو کاشتکاراں دے نقصان تے ریلیف دے حوالے نال وزیراعظم نال گالھ کریساں۔ انہاں آکھیا جو زرعی مصنوعات سانگے نویاں منڈیاں لبھیاں ونجنڑ۔

مضمون کا ماخذ : رومن دولت

متعلقہ مضامین