نومئی کوں تھیوݨ آلے شرپسنداں دے حملیں دیاں پاڑاں عمران نیازی دی تقریراں وچ ہن ،وزیراعظم دا ٹویٹ

اسلام آباد۔17مئی(اے پی پی) وزیراعظم محمد شہباز شریف آکھیے 9مئی کوں ریاست ، ایندی علامتاں تے حساس تنصیبات تے تھیوݨ آل?? شرپسنداں دے حملے دیاں پاڑاں عمران نیازی دی گزریل ھک سال اچ کیتیاں ڳیاں تقریراں دے مندرجات وچ ہن ۔ آپݨے ھک ٹویٹ اچ انہاں آکھیے عمران نیازی اپݨی سیاسی تحریک کوں حق و باطل دے درمیان جنگ قرار ݙیوݨ کیتے آزادانہ طور تے مذہبی تصویر کشی کیتی اے ، اوں مسلسل مسلح افواج اتے موجودہ آرمی چیف کوں بدنام کیتے، انہاں تے حملہ آور تھیا تے ٻہوں چالاکی نال حقیقی آزادی دے نعریں دے نال آپݨے گروہ کوں تیار کیتے جیں دا مقصد انہاں کوں تشدد تے اکساوݨ ہئی جیں دا اساں 9 مئی کوں مشاہدہ کیتا ہئی ۔ انہاں آکھیے عمران نیازی دیاں تقریراں سݨیاں تاں تساکوں جواب مل ویسی۔